Herzlichen Glückwunsch zum 90er

Frau Berta Nigl – die Bechtarin – feiert ihren 90. Geburtstag.
Vereinsobmann Manfred Bauer und 15 Musiker/Innen gratulierten ihr am Sonntag, den 13. Februar 2011.

In der kleinen Stube wurde dann durch die Oswalder-Bratlmusi lustig aufgespielt. Laut Ihrer Aussage: – „Won de Musi spüt, don muas ma lustig sei! – unterhielt die „alte“ Dame mit Witz und Charme die Musiker einige Stunden.

Ihre Familie schaffte es auf bekannt humoristische Weise eine Eindruck über das bisherige Leben der Jubilarin mit folgenden Worten zu vermitteln:

Die Bechtarin – 90 Jahre und was ganz Besonderes!

90 Joahr des is a longe Zeit,
won ma des in Meta z`fuaß gangat, uh des wa weit.

Für jeden Tog an Meta nur,
des waratn 33215 Meta, mia is gmua.

Wia ko ma nuar so oid wern,
des mechat i nu glei fa da Bechtarin hern.

Don lochts und grinst a wenig und sogt,
des, des hom mi scho mehr gfrogt.

Des Wichtigste is da Humor,
und des kimmt Heizutogs fü zu sötn vor.

Ma muas a üba oan söwa locha,
und hi und do fia die ondern in Kaspal mocha.

Gonz wichtig in an erfülltn Leben,
es soid immer vü Kinda geben.

Wei don duart ma Tog ei und Tog aus,
de Kinda ois recht mocha und kümmert se ums Haus.

Ma hot net long Zeit zan denga,
sondern duart de gonze Kroft de Kinda schenga.

Sansa a nu söche „Krezn“ und des steigt da ins Hirn,
liawa 15 Moi zuweschicka ois oamoi dona fian. (mit den Rollstuhl meint sie!)

Und won donn va de Kinda scho die Kinda kemman,
jo, don host nu vü mehr zan in die Oarm nemma.

So vergeht don die Zeit,
und de Urenkel hand a scho bereit.

Nu und so hob i hoit 5 Kina und de hom a 15 Kina gmocht,
und af meine 11 Urenkal hob i a nu g´docht.

I zah an Schwoarf noch, hot amoi a Pforra gsogt,
und genau des is des Wichtigste, du host me jo gfrogt.

Mei Zukunft is gesichert und meine Gene de gengan weida,
nur auf des und net afs sterbn denga, des is gscheida.

Wons geht don geh i am Vormittog ins Kaffeehaus,
und do frog i don ondere Damen über Neuigkeiten aus.

I schau don das i guat und gemütlich sitz,
und zan Kaffee kaf i ma an guatn Butterspitz.

Und nu wos des is a koa Frog,
es is wichtig, das ma olle Tog a Orwat hot.

In Mittog wos zan Essn richtn,
kocha, owoschn und ois zomrichten,
des san meine Pflichten.

Und jede Zeit, jede freie Minuten, jeden Tog,
dua i Seckö stricka, a rundn um de ondere des is fia mi koa Plog.

De Woi de kaf i ma dazua nur Toschn weis,
wei won i sterbat, don bleibat sofü iwa, des war a Scheiß.

De Seckön gfrein a jeden, ob Groß oder Kloa,
jojo, meine Seckön trogt fost de hoiwe Gmoa.

Und wos i a nu gern dua,
i spüh mit meiner Weibarunde Grea Bua.

Do dringan ma dazua an guatn Wei,
und schmiarn da ondern in Gre Bua drei.

Der Nochmittog der vageht don schnö,
und ma treniert des Hirn und bleibt af da Plottn hö.

Zan schlofn, do hau i ma a hoiwate Taplettn ei,
do schlof i bis i pfrua ruhig und fei.

So gengan die Toge dahi und Tog ei Tog aus,
moch i wos Besonderes draus.

So vagengan eben die Joahr,
und gonz grau werden die Hoar.

Und af oamoi, du durst as fost überseng, owa so is,
bist a uroits Muartal mit 90 des is gwiss.

I mog des Leben und des Leben mog mi,
und so longs ma so guat geht gfreie mi,
und leg me net hi!